Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 434 Hüküm no: 618 Orijinal metin no: [52b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çukadar Hüseyin’in Veli b. Ali hakkında iddia ettiği kefalet davasını ispatlayamadığı Ma‘rûz; Mahmiye-i İslâmbol’da İshakpaşa mahallesinde sâkin Çukadâr Hüseyin b. Hasan nâm kimesne medîne-i Üsküdar’da meclis-i şer‘-i hatîrde Veli b. Ali mahzarında gāib ani’l-meclis Kayıkcı Mustafa nâm kimesne zimmetinde hakkım olan kırk dört guruşa mezbûr Veli kefîl ve dâmin olmağla kefâletine binâen taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i [muharrer] müdde‘âsını beyân ve isbâta kādir olmayıp bi’t-taleb mezbûr Veli gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Veli’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 min-Ş sene 1205