Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 434 Hüküm no: 619 Orijinal metin no: [52b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Süleyman’ın boşadığı eşine ait eşyaları iade etmesi Ma‘rûz; Medîne-i Üsküdar’da Selami mahallesinde sâkine ve zâtı mu‘arrefe Hadice bt. Mehmed nâm hatun meclis-i şer‘-i hatîrde zevc-i sâbıkı Mehmed b. Süleyman mahzarında mezbûr Mehmed beni tezevvüc esnâsında mehr-i mu‘accel tesmiye olunan otuz guruş kıymetli iki minder ve dört şayak yasdık ve iki şayak mak‘ad ve iki tencere [ve] dört sahan ve bir tâbe hâlâ mezbûr Mehmed’in yedinde mevcûd olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle eşyâ-i mezkûreyi müdde‘iye-i mezbûreye teslîme mezbûr Mehmed’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 6 min-Ş sene 1205