Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 435 Hüküm no: 620 Orijinal metin no: [52b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hanım’ın boşandığı kocasından alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Solaksinan mahallesinde sâkine mu‘arrefetü’z-zât Fatıma bt. el-Hâc Ömer nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı Mehmed b. Kadri nâm kimesne mahzarında mezbûr Mehmed ile zevciyet beynimizde kāime iken târih-i i‘lâmdan üç sene mukaddem bi’d-defâ‘at yedimden istidâne ve kabz eylediği seksen guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre Fatıma Hatun ber-vech-i muharrer müdde‘âsını beyândan izhâr-ı acz birle bi’t-taleb mezbûr Mehmed gıbbe’t-tahlîfi’ş-şer‘î mûcebiyle müdde‘iye-i mezbûre Fatıma Hatun da‘vâ-yı mezkûresiyle zevc-i sâbıkı mezbûr Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 min-Ş sene 1205