Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 437 Hüküm no: 627 Orijinal metin no: [53a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Bostancı Numan’ın Hatice Hanım’dan talep ettiği alacak davasını ispatlayamadığı Ma‘rûz; Medîne-i Üsküdar’da Atpazarı hâricinde Kasab Bostanî Numan b. İsmail nâm kimesne medîne-i mezbûrede mahfil-i bâbda meclis-i şer‘-i hatîrde zâtı mu‘arrefe Hadice bt. Ahmed nâm hatun mahzarında mezbûre Hadice’nin emriyle gāib ani’l-meclis sadrî oğlu Mustafa b. Hasan nâm kimesne târih-i i‘lâmdan iki sene mukaddem bi’d-defa‘ât yedimden iştirâ ve kabz eylediği yetmiş altı buçuk vakıyye lahm-ı ganem semeninden sekiz yüz kırk para hakkım olmağla mezbûre Hadice’nin emrine binâen taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmayıp bi’t-taleb mezbûre Hadice Hatun gıbbe’t-tahlîfi’ş-şer‘î mûcebiyle müdde‘î-i mezbûr da‘vâ-yı mezkûresiyle mezbûre Hadice’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 17 min-Ş sene 1205