Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 443 Hüküm no: 640 Orijinal metin no: [54a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mustafa’nın Seyyid Hasan b. Süleyman’a olan borcunu ödemesi Ma‘rûz; Medîne-i Üsküdar’a tâbi‘ Başıbüyüklü keryesinde sâkin es-Seyyid Hasan b. Süleyman medîne-i mezbûrede mahfil-i bâbda meclis-i şer‘-i hatîrde Mehmed b. Mustafa mahzarında mezbûr Mehmed târih-i i‘lâmdan üç sene mukaddem yedimden iştirâ ve kabz eylediği bir çift kara sığır öküzü semeninden yüz guruş hakkımın yetmiş guruşunu yedinden ahz ü kabz ve otuz guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm otuz guruşun müdde‘î-i mezbûra edâsıyla mezbûr Mehmed şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 18 min-Ş sene 1205