Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 444 Hüküm no: 642 Orijinal metin no: [54a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın Cemile Hanım’dan alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Aşcıbaşı mahallesinde sâkine ve zâtı mu‘arrefe Âişe bt. İsa nâm hatun meclis-i şer‘-i hatîrde kezâlik zâtı mu‘arrefe Cemile bt. Abdullah nâm hatun mahzarında mezbûre Cemile târih-i i‘lâmdan sekiz ay mukaddem yedimden iştirâ ve kabz eylediği eşyâ-i memlûkemden üç çevre ve bir uçkur ve bir havlu ve bir penbe zar gömlek ve bir hilalî don semeninden otuz sekiz buçuk guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyân içün ba‘de’l-istimhâl ve’l-imhâl müddet-i mehl-i şer‘î tamam ve birkaç gün dahi mürûr edip müdde‘âsını bir vechile isbâta kādire olmadığından mâ‘adâ tahlîfe dahi tâlibe olmamağla müdde‘iye-i mezbûre Âişe Hatun da‘vâ-yı mezkûresiyle mezbûre Cemile Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 16 min-Receb sene 1205