Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 445 Hüküm no: 643 Orijinal metin no: [54a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Hasan ile Mehmed Salih Efendi’nin aralarındaki alacak verecek davasında sulh oldukları Ma‘rûz; Medîne-i Üsküdar’da Büyük İskele’de sâkin Hüseyin b. Hasan nâm kimesne medîne-i mezbûrede mahfil-i bâbda meclis-i şer‘-i hatîrde Mehmed Salih Efendi b. Mustafa mahzarında mezbûr Salih Efendi’nin talebiyle beher şehr altışar guruş ücret kavliyle altı ay hizmet etmemle şühûr-ı mezkûrede zimmetinde müctemi‘a olan otuz altı guruş hakkımın otuz guruşunu yedinden ahz ü kabz edip bâkī altı guruş zimmetinde kalmağla taleb ederim deyü da‘vâ ol dahi cevâbında müdde‘î-i mezbûr Hüseyin’in kabzını mu‘terif olduğu otuz guruşdan mâ‘adâ on beş guruş dahi kendiye edâ ve teslîm eyledim deyü ba‘de’d-def‘ ve’l-inkâr beynlerinde vâkı‘a olan münâza‘ayı bâ-tavassut-ı muslihîn her birinin def‘ ve müdde‘âsında âharın meccânen zimmetini kabûllerini hâvî ibrâ ile ibrâ eyledikleri bi’l-iltimâs huzûr-ı âlîlerine i‘lâm olundu. Fî 27 min-B sene 1205