Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 449 Hüküm no: 651 Orijinal metin no: [54b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın boşandığı kocasının akrabaları hakkında açtığı davaya itibar edilmediği Ma‘rûz; Medîne-i Üsküdar’da Turbali mahallesinde sâkine mu‘arrefetü’z-zât Âişe bt. Hasan nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı Halil b. Mustafa ile akrabâsından Bekir b. Mustafa mahzarlarında mezbûrân Halil ve Bekir târih-i i‘lâm günü hâlâ zevcim gāib ani’l-meclis Mehmed ile fuzûlî beynimizi tefrîk içün zevcim gāib-i mezbûr üzerine tasallut etdirdikleri isimleri ma‘lûmum olmayan iki nefer kalyoncu tâifesi zevcim gāib-i mezbûru helâk kasdıyla ihâfe ve kesesinden yirmi beş guruşunu ahz etmeleriyle mücerred mezbûrân Halil ve Bekir’in ta‘rîf ve tahrîkleriyle olduğuna binâen taleb ederim deyü takrîr-i meşrûhu üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 27 min-Ş sene 1205