Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 450 Hüküm no: 653 Orijinal metin no: [54b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ömer Ağa’nın yedinde bulundurduğu atı sahibi Yorgi’ye iade etmesi Ma‘rûz; Havâss-ı refî‘a kazâsı muzâfâtından Çekmece-i sagīr nâhiyesine tâbi‘ Safra karyesi mütemekkinlerinden sâhib-i arzuhâl Yorgi v. Kostanti nâm zimmî medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde ismi mezkûr es-Seyyid Ömer Ağa b. Ali mahzarında târih-i i‘lâmdan dört ay mukaddem emlâkimden bir re’s bârgirimi gāib ani’l-meclis Yamandi zimmî karye-i mezbûrede hufyeten ahz edip medîne-i mezbûre hâricinde Maldepe karyesine duhûl ben dahi merkūm Yamandi zimmî ile bârgir-i merkūmu meclis-i şer‘a ihzâr içün karye-i mezbûre subaşısı mezbûr es-Seyyid Ömer Ağa’ya teslîm ol dahi ahz ve mahbesinde mahbûs iken merkūm Yamandi zimmî firâr ve bârgir-i merkūm mezbûr es-Seyyid Ömer Ağa’nın hâlâ yedinde mevcûd olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle bârgir-i merkūmu merkūm Yorgi zimmîye teslîme mezbûr es-Seyyid Ömer Ağa’ya tenbîh olunduğu mübâşiri kapıkethudâsı kulları iltimâsıyla huzûr-ı âlîlerine i‘lâm olundu. Fî ( ) min-N sene 1205