Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 429 Hüküm no: 444 Orijinal metin no: [103a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahalle halkını rahatsız eden Hatice’nin başka mahalleye gönderilmesi Ma‘rûz Sâhib-i arzuhâl Hadicesultan Mahallesi imâmı es-Seyyid Mustafa Efendi ve Müezzin Mustafa Halîfe ile ahâlîsinden müseccelü’l-esâmî on beş nefer bî-garaz Müslimîn meclis-i şer‘de derûn-ı arzuhâlde mezkûretü’l-ism Hadice muvâcehesinde mezbûre Hadice kendi hâlinde olmayıp her birimize dâimâ mûceb-i ta‘zîr ve elân şütûm-ı galîza ile şetm edip bir vechile kendiden emn ü rahatımız olmayıp ta‘cîz üzeredir deyü her biri teşekkî ve sû-i hâlini ihbâr ve mahalleden ihrâcını iltimâs eylediklerine dâir şehr-i Rebî‘ülevvel’de âhar mahalleye nakletmek üzere mezbûre Hadice’ye tenbîh olunduğu bi’t-taleb huzûr-ı âlîlerine i‘lâm olundu. Bâkī fermân hazret-i veliyyü’l-emrindir. Fî 22 min-Safer sene 1143.