Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 429 Hüküm no: 445 Orijinal metin no: [103a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid Mustafa Çelebi’nin borçlu olduğu Ma‘rûz Muhzır Mehmed mübâşeretiyle ihzâr-ı şer‘ olunan es-Seyyid Mustafa Çelebi b. es-Seyyid Hüseyin’den hasmı Mustafa Çelebi meclis-i şer‘de demir bahâsından ba‘de külli’l-hesâb on üç guruş üç rub‘ zimmetinde hakkım vardır deyü da‘vâ ol dahi meblağ-ı mezbûrdan ancak zimmetimde sekiz guruş üç rub‘ deynim olup mâ‘adâ beş guruşu kendiye def‘ eyledim deyip müdde‘î-i mezbûr Mustafa inkâr edip mezkûr Seyyid Mustafa beyâna kādir olmayıp bi’t-taleb ba‘de’t-tahlîfü’ş-şer‘î meblağ-ı mezkûr on üç guruş üç rub‘ ile mezbûr Seyyid Mustafa ilzâm olunduğu bi’l-iltimâs huzûr-ı âlîlerine i‘lâm olundu. Bâkī fermân hazret-i veliyyü’l-emrindir. Fî 22 min-Safer sene 1143.