Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 454 Hüküm no: 659 Orijinal metin no: [55a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kazgancı İlya’nın Mustafa b. İsmail’deki alacağının kefilinden alınması Ma‘rûz; Mahmiye-i İslâmbol’da Ayazmakapısı kurbünde mütemekkin Kazgancı İlya v. Yani nâm zimmî medîne-i Üsküdar’da meclis-i şer‘-i hatîrde Hıristo v. Kostanti zimmî muvâcehesinde gāib ani’l-beled es-Seyyid Mustafa b. İsmail zimmetinde yirmi altı guruş alacak hakkıma tarafeynden bi’l-emr ve’l-kabûl merkūm Hıristo zimmî kefîl olup deyn-i meblağ-ı merkūmun on üç guruşunu merkūm Hıristofi zimmî yedinden ahz, bâkī on üç guruşu kefâletine binâen merkūm Hıristo zimmîden taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını Mehmed b. İbrahim ve es-Seyyid Mustafa b. Hasan nâm kimesneler şehâdetleriyle muvâcehesinde isbât etmeğin mûcebiyle meblağ-ı bâkī-i merkūm on üç guruşu müdde‘î-i merkūm İlya zimmîye bi-hükmi’l-kefâle edâ ve teslîme merkūm Hıristo zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 23 min-C sene 1205