Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 455 Hüküm no: 662 Orijinal metin no: [55b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mıgırdıç v. Kiryakos’un ölen Arakil v. Bedros’a olan borcunu vârislerine ödemesi Ma‘rûz; Medîne-i Üsküdar’a tâbi‘ Kādı karyesinde mütemekkin iken bundan akdem düyûnu terekesinden ezyed olduğu hâlde hâlik olan Arakil v. Bedros nâm zimmînin zimem-i nâsda zuhûr eden alacağını ahz ü kabz ve düyûn-ı müsbetesini edâya kıbel-i şer‘den bâ-hüccet-i şer‘iye guremâ vasîsi nasb olunan Avanis v. Avanis nâm zimmî medîne-i mezbûrede mahfil-i bâbda meclis-i şer‘-i hatîrde Mıgırdıç v. Kiragos nâm zimmî muvâcehesinde merkūm Mıgırdıç zimmî târih-i i‘lâmdan dört sene mukaddem hâlik-i merkūmun hayatında yedinden ahz ve istidâne ve kabz eylediği [ve umûruna] sarfla istihlâk eylediği yirmi guruşu kable’l-ahz hâlik olup merkūmun zimmetinde kalmağla hâlâ bi’l-vesâye taleb ederim deyü da‘vâ, ol dahi cevâbında fi’l-hakīka cihet-i merkūmeden hâlik-i merkūma ol-mikdâr deyni olduğunu ikrâr lâkin müdde‘î-i vasî-i merkūmun ber-vech-i muharrer vesâyetini inkâr etmeğin müdde‘î-i vasî-i merkūm ber-minvâl-i muharrer vesâyetini el-Hâc Ahmed b. el-Hâc Hüseyin ve es-Seyyid Mustafa b. Hasan nâm kimesneler şehâdetleriyle isbât etmeğin mûcebiyle meblağ-ı merkūm yirmi guruşu müdde‘î-i vasî-i merkūma edâya merkūm Mıgırdıç zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 24 min-Ş sene 1205