Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 456 Hüküm no: 663 Orijinal metin no: [55b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halid b. Hasan tarafından bulunan doru atın sahibi Mehmed’e iadesi Ma‘rûz; Medîne-i Üsküdar’da Atpazarı’nda handa sâkin midillici tâifesinden Mehmed b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde yine midillici tâifesinden Halid b. Hasan nâm kimesne mahzarında işbu mu‘âyene olunan bir re’s doru at mülküm iken târih-i i‘lâmdan yedi gün mukaddem zâyi‘ olup mezbûr Halid yedinde bulmamla bi’l-istihkāk taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını udûlden el-Hâc Mustafa b. Hasan ve diğer el-Hâc Mustafa b. Ahmed nâm kimesneler şehâdetleriyle vech-i şer‘î üzere muvâcehesinde isbât etmeğin müdde‘î-i mezbûr ba‘de’t-tahlîfi’ş-şer‘î mûcebiyle zikr olunan atı müdde‘î-i mezbûra teslîme mezbûr Halid’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 5 min-L sene 1205