Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 459 Hüküm no: 671 Orijinal metin no: [56a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Numan b. İsmail’in Mustafa b. Hasan’daki alacaklarından vazgeçtiği Ma‘rûz; Medîne-i Üsküdar’da Vâlide-i Atik mahallesinde sâkin Bostanî Kasab Numan b. İsmail medîne-i mezbûrede mahfil-i bâbda meclis-i şer‘-i hatîrde Mustafa b. Hasan mahzarında mezbûr Mustafa bundan akdem bi’d-defa‘ât yedimden iştirâ ve kabz eylediği yetmiş altı buçuk vakıyye lahm-ı ganem semeninden yirmi bir guruş bir para ve yine beheri yedişer buçuk guruşdan iki aded ganem semeninden on beş guruş ki cem‘an otuz altı guruş bir para zimmetinde hakkım olmağla taleb ederim deyü eylediği da‘vâsından bâ-tavassut-ı muslihîn meccânen fâriğ olup husûs-ı mezkûra müte‘allika âmme-i de‘âvîden mezbûr Mustafa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 6 min-Şevvâl sene 1205