Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 463 Hüküm no: 679 Orijinal metin no: [56b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İsmail ile Molla Mustafa’nın aralarındaki alacak verecek davasında sulh oldukları Ma‘rûz; Medîne-i Üsküdar’da Balaban İskelesi’nde Keresteci es-Seyyid İsmail b. Memiş nâm kimesne medîne-i mezbûrede mahfil-i bâbda meclis-i şer‘-i hatîrde Molla Mustafa b. Osman nâm kimesne mahzarında mezbûr Molla Mustafa bundan akdem yedimden iştirâ ve kabz eylediği aded ve fiyâtı beynimizde ma‘lûm ecnâs-ı kereste semeninden bâkī yüz yirmi beş buçuk guruş zimmetinde hakkım olmağla taleb ederim deyü eylediği da‘vâsından bâ-tavassut-ı muslihîn seksen guruş bedel-i makbûz mukābelesinde sulh olup ziyâde müdde‘âsı olan kırk beş buçuk guruşa müte‘allika âmme-i de‘âvîden mezbûr Molla Mustafa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 15 min-Şevvâl sene 1205