Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 464 Hüküm no: 681 Orijinal metin no: [56b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola v. Anderya’ya küfreden Bakkal Hıristo’nun tazirle cezalandırılması Ma‘rûz; Medîne-i Üsküdar’a tâbi‘ Kuzguncuk karyesinde mütemekkin Nikola v. Anderya nâm zimmî medîne-i mezbûrede mahfil-i bâbda meclis-i şer‘-i hatîrde Bakkāl Hıristo v. Anderya nâm zimmî muvâcehesinde merkūm Hıristo zimmî târih-i i‘lâm günü karye-i mezbûrede bana bi’l-muvâcehe mûcib-i ta‘zîr olur elfâz-ı kabîha ile bi-gayrı hakkın şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâta kādir olamayıp talebiyle merkūm Hıristo zimmîye yemîn teklif olundukda yemînden nükûl etmeğin mûcebiyle merkūm Hıristo zimmîye şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî-gurrei N sene 1205