Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 430 Hüküm no: 447 Orijinal metin no: [103b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ebûbekir Beşe ile Kostantin v. Yanaki arasındaki kefalet davasında sulh oldukları Ma‘rûz Sâhib-i arzuhâl Ebûbekir Beşe b. Ali nâm kimesne derûn-ı arzuhâlde mastûrü’l-ism Kostantin v. Yanaki v. Manolaki’nin vekîl-i şer‘îsi Ayvaz v. Yorgaki muvâcehesinde mahrûse-i Galata’ya tâbi‘ Beyoğlu nâm mahalde sâkine Mitori bt. Vefti v. Defni nâm Nasrâniye zimmetinde eşyâ-i ma‘lûme semeninden yüz kırk guruş hakkıma müvekkil-i mezbûr Kostantin kefîl olmağla meblağ-ı mezbûru müvekkil-i mezbûrdan da‘vâ eylediğimde ol dahi kefâlet-i mezkûreyi inkâr etmeğle muslihûn tavassutuyla kırk beş guruş üzerine sulh ve bedel-i sulh olan meblağ-ı mezbûr kırk beş guruşu müvekkil-i mezbûr yedinden ahz u kabz edip mâ‘adâya müte‘allika da‘vâdan müvekkil-i mezbûr ile asıl merkūme Mitori’yi ibrâ ve iskāt eylediğimde müvekkil-i mezbûr dahi bedel-i mezkûra müte‘allika da‘vâdan benim zimmetimi ibrâ ve iskāt eyledi dedikde mahkeme-i Bâb’da tescîl olunup mübâşiri Ebûbekir Çavuş iltimâsıyla huzûr-ı âlîlerine i‘lâm olundu. Fî 25 Safer sene [1]143.