Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 466 Hüküm no: 686 Orijinal metin no: [57a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koğas v. Arzman’ın Hüseyin Efendi’ye olan borcunu ödemesi Ma‘rûz; Mahmiye-i İslâmbol’da sâkin kuzâtdan Hüseyin Efendi b. Ahmed medîne-i Üsküdar’da meclis-i şer‘-i hatîrde Sofcu Kogas v. Arzuman nâm zimmî muvâcehesinde merkūm Kogas zimmî bundan akdem yedimden iktirâz ve kabz ve umûruna sarfla istihlâk eylediği bin guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı merkūm bin guruşu müdde‘î-i mezbûr Hüseyin Efendi’ye edâ ve teslîme merkūm Kogas zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 14 min-Şevvâl sene 1205