Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 471 Hüküm no: 694 Orijinal metin no: [57b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karısı Fatma’nın eşyalarına el koyan Ali b. Ahmed’in aldığı eşyaları iade ettiği Ma‘rûz; Mahmiye-i İslâmbol hısnı ebvâbından Ahırkapı dâhilinde sâkine mu‘arrefetü’z-zât Fatıma bt. Hasan nâm hatun medîne-i Üsküdar’da mahfil-i bâbda meclis-i şer‘-i hatîrde medîne-i mezbûrede kolluk odabaşısı ma‘rifetiyle ahz ve meclis-i şer‘a ihzâr olunan zevc-i dâhili Ali b. Ahmed nâm kimesne mahzarında mezbûr Ali mahmiye-i mezbûrede târih-i i‘lâmdan iki gün mukaddem câr-ı mülâsıkımın menzilinde bir mikdâr onlar ile eğlen deyü beni bir takrîb menzilimden def‘ ve odam derûnunda mevcûd emlâkimden mecmû‘-ı kıymetleri yüz elli guruşa bâliğ işbu meclis-i şer‘de mu‘âyene olunan bir çift altun bilezik ve bir çift altun kuşak ma‘a kolan ve bir altun hâtem ve bir yorgan ma‘a çârşeb ve bir köhne kürk ve bir entari ve dört gömlek ve bir nîmten ve bir çiçekli entari ve bir hırka ve bir sagīr çiçekli entari ve bir don ve iki çârşeb ve beş değirmi yemeni ve dört yağlık ve üç uçkur ve bir tülbent örtüsü ve bir sagīr nîmten ve bir entari ve bir havlu ve iki zirâ‘ mikdârı bez ve bir Hatâyî zenne entarisi ve en‘âm-ı şerîf ma‘a kesemi ahz edip hâlâ yedinde mevcûd olmağla taleb ederim deyü da‘vâ ve mezbûr Ali istintâk olundukda eşyâ-i muharrere-i mezkûre fi’l-hakīka zevcesi müdde‘iye-i mezbûre Fatıma Hatun’un emlâki olup ber-vech-i muharrer ahzını ikrâr ü i‘tirâf etmeğin mûcebiyle zikr olunan eşyâ ve huliyy huzûr-ı şer‘de zevcesi müdde‘iye-i mezbûre Fatıma Hatun yedine bi-a‘yânihâ teslîm olunduğu mübâşiri merkūm iltimâsıyla huzûr-ı âlîlerine i‘lâm olundu. Fî 22 min-Şevvâl sene 1205