Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 477 Hüküm no: 704 Orijinal metin no: [58b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Cafer’in Osman Efendi b. Murad’a olan borcunu ödemesi Ma‘rûz; Medîne-i Üsküdar’a tâbi‘ Kādı karyesi sükkânından sâhib-i arzuhâl Osman Efendi b. Murad medîne-i mezbûrede mahfil-i bâbda meclis-i şer‘-i hatîrde arzuhâlde ismi mezkûr Hüseyin b. Cafer nâm kimesne mahzarında mezbûr Hüseyin karye-i mezbûrede vâki‘ ma‘lûmü’l-hudûd bostanımda senevî yüz elli guruş ücret ile müstecirim olup bostan-ı mezkûr ücretinden işbu târih-i i‘lâma gelince zimmetinde müctemi‘a olan beş yüz beş guruş ve yedimden istidâne ve kabz eylediği yüz guruş ki ciheteyn-i mezkûreteynden cem‘an altı yüz beş guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mecmû‘-ı merkūm altı yüz beş guruşun edâsıyla mezbûr Hüseyin şer‘an ilzâm olunduğu mübâşiri çavuş kulları iltimâsıyla huzûr-ı âlîlerine i‘lâm olundu. Fî 6 min-Za sene 1205