Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 479 Hüküm no: 707 Orijinal metin no: [59a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafız Ali’nin Eğerci Parsih v. Karabet’e olan borcunu taksitle ödemesi Ma‘rûz; Medîne-i Üsküdar’da Zincirlikuyu kurbünde mütemekkin Enserci Parsih v. Karabet nâm zimmî meclis-i şer‘-i hatîrde Hafız Ali b. Süleyman mahzarında mezbûr Hafız Ali târih-i i‘lâmdan beş ay mukaddem yedimden iştirâ ve kabz eylediği vezn ve fiyâtı beynimizde ma‘lûm enser semeninden yirmi sekiz guruş zimmetinde hakkım olmağla taleb ederim deyü da‘vâ ve mezbûr Hafız Ali cevâbında fi’l-hakīka cihet-i mezkûreden müdde‘î-i merkūma ol-mikdâr deyni olduğunu ikrâr lâkin def‘aten edâya kudreti olmayıp tecîle tâlib olmağla müdde‘î-i mezbûr dahi deyn-i meblağ-ı merkūm yirmi sekiz guruşu târih-i i‘lâmdan beher şehr tamamında ikişer guruşdan cem‘an on dört ay tamamına değin kendiye edâ etmek üzere bi’r-rızâ mezbûr Hafız Ali’yi tecîl ve taksît eyledikde ol dahi ber-minvâl-i muharrer müeccelen ve mukāssatan edâya ta‘ahhüd ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 1 min-L sene 1205