Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 480 Hüküm no: 710 Orijinal metin no: [59a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mehmed’in Ömer b. Ömer’deki alacağını tamamen tahsil ettiği Ma‘rûz; Mahmiye-i İslâmbol’da bağçekapısı kurbünde sâkin Ali b. Mehmed nâm kimesne medîne-i Üsküdar’da mahfil-i bâbda meclis-i şer‘-i hatîrde Ömer b. Ömer nâm kimesne mahzarında mezbûr Ömer târih-i i‘lâmdan dört sene mukaddem yedimden istidâne ve kabz ve umûruna sarfla istihlâk eylediği elli guruş hakkımı yedimden tamamen ahz ü kabz edip lâkin mezbûr Ömer meblağ-ı mezbûru edâda ta‘allül ve leyte ve la‘alle edip meblağ-ı merkūmu tamamen kendiden ahz ü kabz edinceye değin mesârifim olan on guruşu mezbûr Ömer’den taleb ederim deyü takrîr-i meşrûhu üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 6 min-Za sene 1205