Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 481 Hüküm no: 712 Orijinal metin no: [59a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Nikola ile Bakkal Dimitri’nin aralarındaki alacak verecek davasında sulh oldukları Ma‘rûz; Medîne-i Üsküdar’da Vâlide-i Atik mahallesinde Toptaşı nâm mahâlde Bakkāl Nikola v. Yorgi nâm zimmî meclis-i şer‘-i hatîrde Bakkāl Dimitri v. Yorgi nâm zimmî muvâcehesinde merkūm Dimitri zimmî zimmetinde mahâll-i mezkûrda vâki‘ bir bâb bakkāl dükkânı âlâtı ücretinden kırk iki bin akçe hakkımın yirmi dört bin akçesini yedinden ahz ü istifâ edip on sekiz bin akçesi zimmetinde bâkī kalmağla taleb ederim deyü eylediği da‘vâsından bâ-tavassut-ı muslihîn dokuz bin akçe bedel-i makbûz mukābelesinde merkūm Dimitri zimmî ile sulh olup ziyâde müdde‘âsı olan dokuz bin akçeye müte‘allika âmme-i de‘âvîden merkūm Dimitri zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 3 min-Za sene 1205