Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 483 Hüküm no: 716 Orijinal metin no: [59b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Tahir Efendi’nin fuzuli ikamet ettiği evi boşaltması Ma‘rûz; Medîne-i Üsküdar’da İhsâniye mahallesinde sâkine mu‘arrefetü’z-zât Âişe bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde menzil-i âti’z-zikrde şerîki es-Seyyid Mehmed Tâhir Efendi b. Mehmed Emin nâm kimesne mahzarında merhûme ve mağfûrun-lehâ Hadice Sultan -tâbet serâhâ- hazretleri evkāfı musakkafâtından mahalle-i mezbûrede vâki‘ ma‘lûmü’l-müştemilât bir bâb vakıf menzilin nısfı benim ve nısf-ı âharı mezbûr es-Seyyid Mehmed Tâhir Efendi’nin olmağla nısf hisse-i şâyi‘amda fuzûlî sâkin olmağla menzil-i mezkûru tahliye ve mâ‘an âhara îcâr olunmak matlûbumdur deyü da‘vâ, ol dahi ber-vech-i muharrer ikrâr ve ta‘ahhüd etmekle menzil-i mezkûru tahliyeye mezbûr es-Seyyid Mehmed Tâhir Efendi’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 9 min-Za sene 1205