Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 483 Hüküm no: 717 Orijinal metin no: [59b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud b. Hüseyin’in Tablakâr Arnabud Hüseyin’e borcunu ödediği Ma‘rûz; Medîne-i Üsküdar’da Ayazma’da vâki‘ ekmekci fırınında Tablakâr Arnabud Hüseyin b. Mehmed meclis-i şer‘-i hatîrde Mahmud b. Hüseyin mahzarında mezbûr Mahmud’un bi-şarti’r-rücû‘ emriyle târih-i i‘lâmdan üç ay mukaddem mahalle-i mezbûrede vâki‘ menzilinde zevcesine def‘ ü teslîm eylediğim nân-ı azîz semeninden dokuz guruş ve yirmi dört para zimmetinde hakkım olmağla taleb ederim deyü da‘vâ ve mezbûr Mahmud cevâbında fi’l-hakīka mukaddemâ zevcesine bi-şarti’r-rücû‘ emriyle nân def‘ ü teslîmini ikrâr lâkin târih-i mezkûrda hesâbımızı rü’yet ve terâküm eden nân-ı azîz semenini edâ ve teslîm ve târih-i merkūmdan sonra zevceme nân-ı azîz verme deyü nehyetmiş idim deyü ba‘de’d-def‘ ve’l-ikrâr mûcebiyle müdde‘î-i mezbûr husûs-ı mezkûrda mezbûr Mahmud’a mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî ( ) min-Za sene 1205