Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 484 Hüküm no: 718 Orijinal metin no: [59b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. İbrahim’in borcunu ödemesi Ma‘rûz; Medîne-i Üsküdar’da Tenbel el-Hâc Mehmed mahallesinde sâkin el-Hâc Mehmed b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde Ali b. İbrahim nâm kimesne mahzarında mezbûr Ali târih-i i‘lâmdan bir sene mukaddem yedimden istidâne ve kabz ve umûruna sarfla istihlâk eylediği altmış guruş hakkımın kırk beş buçuk guruşunu yedinden ahz ü kabz ve on dört buçuk guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on dört buçuk guruşun edâsıyla mezbûr Ali şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 2 min-Za sene 1205