Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 486 Hüküm no: 724 Orijinal metin no: [60a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mehmed’in Hasan b. Mehmed tarafından dövülerek dişinin çıkartıldığı yolundaki iddiasını ispatlayamadığı Ma‘rûz; Medîne-i Üsküdar’da Vâlide-i Atik mahallesinde sâkin Mehmed b. Mehmed medîne-i mezbûrede mahfil-i bâbda meclis-i şer‘-i hatîrde Hasan b. Mehmed mahzarında mezbûr Hasan târih-i i‘lâm günü ba‘de’z-zuhr medîne-i mezbûrede Tunusbağı nâm mahâlde bi-gayrı hakkın yumruk ile amden ağzıma darb ve hânek-i esfelimin sol tarafından nâb ta‘bîr olunur bir aded sağ ve beyaz dişimi ihrâc etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr Hasan gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Hasan’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî. 4 min-Za sene 1205