Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 487 Hüküm no: 725 Orijinal metin no: [60a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafize Hanım’ın talebi üzerine kocasının diğer zevcelerinden ayrı bir ev açmaya söz verdiği Ma‘rûz; Medîne-i Üsküdar’da Solak Sinan mahallesinde sâkine mu‘arrefetü’z-zât Hafize bt. Abdullah nâm hatun medîne-i mezbûrede meclis-i şer‘-i hatîrde Beylerbeyi İmâmı zevci Hafız Ali Efendi b. Osman mahzarında mezbûr Ali Efendi mehr-i müeccel ve mu‘accel tesmiyesiyle zevcim olup mahalle-i mezbûrede vâki‘ âhar zevceleriyle bir menzilde mâ‘an iskân etmekle galak ve merâfıkı başka menzilde iskâna tenbîh olunmak matlûbumdur deyü da‘vâ ve zevci mezbûr Ali Efendi cevâbında fi’l-hakīka müdde‘iye-i mezbûre Hafize Hatun zevcesi olup âhar zevceleriyle bir menzilde iskân eylediğini ikrâr ü i‘tirâf edip lâkin mezbûr Ali Efendi Beylerbeyi karyesinde menzil tehiyye edip zevcesi müdde‘iye-i mezbûreyi iskâna ta‘ahhüd edip kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 min-Za sene 1205