Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 433 Hüküm no: 452 Orijinal metin no: [104a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid Halil Beşe ile Mustafa Beşe’nin aralarındaki yaralama davasında sulh oldukları Ma‘rûz Mumcu Ebûbekir Beşe mübâşeretiyle Bâb Mahkemesi’ne ihzâr olunan dokuzuncu cemâ‘at neferâtından Mustafa Beşe b. Mehmed nâm yeniçeriden hasmı es-Seyyid Halil Beşe b. es-Seyyid el-Hâc Hüseyin meclis-i şer‘de dokuz gün mukaddem mezbûr Mustafa Beşe bi-gayr-ı hakkın sağ ve sol omuzumdan ve sol böğrümden bıçak ile darb ve cerh etmekle mûceb-i şer‘îsini taleb ederim deyü da‘vâ ve an-inkâr muslihûn tavassutuyla sekiz guruş bedel-i makbûza sulh olup mezbûr es-Seyyid Halil zikrolunan cerhe ve mâ-yehdesü anhümâ müte‘allika âmme-i da‘vâdan mezbûr Mustafa Beşe’yi ol dahi bedel-i sulh-ı mezkûr da‘vâsından mezbûr es-Seyyid Halil’i ibrâ edip kat‘-ı nizâ‘ ettikleri tescîl ve bi’l-iltimâs huzûr-ı âlîlerine i‘lâm olundu. Fî 26 Safer sene [1]143.