Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 487 Hüküm no: 726 Orijinal metin no: [60a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Arif tarafından bulunan Halil b. Mehmed’e ait piştovun sahibine iadesi Ma‘rûz; Medîne-i Üsküdar’da Hasanağa mahallesinde sâkin Halil b. Mehmed meclis-i şer‘-i hatîrde es-Seyyid Mehmed Ârif b. Halil mahzarında işbu mu‘âyene olunan on beş guruş kıymetli bir tek sîmli piştov yedimde mülküm iken târih-i i‘lâmdan üç ay mukaddem mülkümden zâyi‘ olup mezbûr es-Seyyid Mehmed Ârif yedinde bulmamla bi’l-istihkāk taleb ederim deyü ba‘de’d-da‘vâ ve’l-istintâk ve’l-ikrâr müdde‘î-i mezbûr ber-vech-i muharrer müdde‘âsını Mustafa b. Bekir ve es-Seyyid Mehmed b. Halil nâm kimesneler şehâdetleriyle vech-i şer‘î üzere muvâcehesinde ba‘de’l-isbât ve’t-tahlîf mûcebiyle zikr olunan piştovu müdde‘î-i merkūma teslîme mezbûr es-Seyyid Mehmed Ârif’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 26 min-Şevvâl sene 1205