Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 489 Hüküm no: 730 Orijinal metin no: [60a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın Süleyman Efendi’ye olan borcunu ödemesi Ma‘rûz; Medîne-i Üsküdar’da Tenbel el-Hâc Mehmed mahallesinde sâkin Hoca Hafız es-Seyyid Süleyman Efendi b. İsmail medîne-i mezbûrede mahfil-i bâbda meclis-i şer‘-i hatîrde mu‘arrefetü’z-zât Âişe bt. Süleyman mahzarında mezbûre Âişe Hatun târih-i i‘lâmdan bir buçuk sene mukaddem yedimden iştirâ ve kabz eylediği evsâfı beynimizde ma‘lûm yorgan emti‘ası semeninden yüz yedi guruş hakkımın elli guruşunu yedinden ahz ü kabz ve elli yedi guruşu bâkī zimmetinde kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm elli yedi guruşun müdde‘î-i mezbûra edâsıyla mezbûre Âişe Hatun ilzâm olunduğu bi’l-iltimâs huzûr-ı âlîlerine i‘lâm olundu. Fî 25 min-N sene 1205