Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 492 Hüküm no: 737 Orijinal metin no: [60b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sefer için tutulan ama görevine gitmeyen Mehmed b. Ahmed’in aldığı parayı iade etmesi Ma‘rûz; Medîne-i Üsküdar’da Bulgurlu mahallesi imâmı Ahmed Efendi b. Mehmed meclis-i şer‘-i hatîrde Mehmed b. Ahmed mahzarında bin iki yüz dört senesi sefer-i hümâyûna müretteb sefâin-i sultânîyeye nefer olmak üzere Üsküdar mahallâtının her birinden iki adam verilmesi içün sâdır olan fermân-ı âlîlerine imtisâlen ben dahi cümle ahâli-i mahalle ittifâkıyla mezbûr Mehmed’i istîcâr ve ücret olmak üzere yedine elli üç guruş bi’l-vekâle teslîm etmiş idim lâkin mezbûr Mehmed memûr olduğu hizmeti edâ etmeyip firâr etmekle medfû‘um olan elli üç guruşu taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm elli üç guruşun ahâli olan müvekkilleri içün vekîl-i mezbûr İmâm Ahmed Efendi’ye edâsıyla mezbûr Mehmed şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 14 min-Zilka‘de sene 1205