Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 493 Hüküm no: 739 Orijinal metin no: [61a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin’i satın aldığı atın Ümmügülsüm bt. Mustafa’ya ait olduğunun anlaşıldığından sahibine iadesi Ma‘rûz; Medîne-i Üsküdar’a muzâfe Gekbûze nâhiyesine tâbi‘ Hereke karyesi sükkânından Ahmed Beşe b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde zikri âtî ata vaz‘-ı yed olan Mehmed Emin b. Osman nâm kimesne muvâcehesinde işbu mu‘âyene olunan bir re’s al at yedimde mülküm iken târih-i i‘lâmdan iki sene mukaddem zâyi‘ olup mezbûr Mehmed Emin yedinde bulmamla bi’l-istihkāk hâlen taleb ederim deyü da‘vâ ol dahi cevâbında zikr olunan atı târih-i i‘lâmdan sekiz ay mukaddem gāib ani’l-meclis Osman b. İbrahim nâm kimesneden bir re’s bârgir ile nakden yirmi guruşa iştirâ edip ol-vechile mülk-i müşterâsı olmak üzere vaz‘-ı yedini ikrâr ve müdde‘î-i mezbûrun mülkü olduğu ma‘lûmum değildir dedikde müdde‘î-i mezbûr Ahmed Beşe ber-vech-i muharrer müdde‘âsını udûlden Süleyman b. İsmail ve diğer Süleyman b. Hüseyin nâm kimesneler şehâdetleriyle mezbûr Mehmed Emin muvâcehesinde ba‘de’l-isbât ve’l-half mûcebiyle zikr olunan atı müdde‘î-i mezbûr Ahmed Beşe’ye teslîme mezbûr Mehmed Emin’e tenbîh olunduğu bi’l-iltimâs huzûr-ı âlîlerine i‘lâm olundu. Fî 10 min-L sene 1205