Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 494 Hüküm no: 740 Orijinal metin no: [61a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Efendi ve eşi Rukiye’nin Ümmügülsüm Hanım ile aralarındaki husumeti bitirip sulh oldukları Ma‘rûz; Medîne-i Üsküdar’da Selmanağa mahallesinde sâkine mu‘arrefetü’z-zât Ümmügülsüm bt. Mustafa nâm hatun medîne-i mezbûrede mahfil-i bâbda meclis-i şer‘-i hatîrde kendi nefsinden asâleten ve zevcesi Rukiye bt. Abdullah nâm hatun tarafından ber-vech-i âtî tasdîka vekîli Ahmed Efendi b. Ömer nâm kimesne mahzarında zevcân-ı mezbûrân Ahmed Efendi ve Rukiye târih-i i‘lâm günü mahalle-i mezbûrede vâki‘ menzillerinde bana şutûm-ı galîza ile şetm etmeleriyle mûcib-i şer‘îsini taleb ederim deyü da‘vâ ve mezbûr Ahmed Efendi inkârından mâ‘adâ müdde‘iye-i mezbûre dahi bana ve zevcem müvekkilem mezbûreye kezâlik şutûm-ı galîza ile şetm etmiş idi deyü da‘vâ ve beynlerinde ba‘de-vukū‘ı’l-münâza‘a bâ-tavassut-ı muslihîn her biri da‘vâ-yı mezkûrelerinden meccânen fâriğler olup husûs-ı mezkûra müte‘allika âmme-i de‘âvîden her biri âharın zimmetini bi’l-asâle ve bi’l-vekâle ibrâ ve ıskāt ve her biri ber-minvâl-i muharrer bi’l-asâle ve bi’l-vekâle âharın ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 8 min-Zilka‘de sene 1205