Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 495 Hüküm no: 743 Orijinal metin no: [61a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Serope v. Serkiz’in Kürkcü Petro’ya olan borcunu ödemesi Ma‘rûz; Kürkcü Petro v. Marat nâm zimmî medîne-i Üsküdar’da mahfil-i bâbda meclis-i şer‘-i hatîrde Serope v. Serkiz nâm zimmî muvâcehesinde merkūm Serkiz zimmî târih-i i‘lâmdan üç ay mukaddem yedimden iştirâ ve kabz eylediği bir tulum ...? sincab kürk semeninden elli beş guruş hakkımın on dokuz guruşunu yedinden ahz ü istifâ ve otuz altı guruşu zimmetinde hakkım bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm otuz altı guruşun edâsıyla merkūm Serope zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 19 min-Za sene 1205