Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 497 Hüküm no: 747 Orijinal metin no: [61b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiragos v. Artin’in Agop v. Mıgırdıç’tan alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Çavuşbaşı fırınında destgâhdâr Kiragos v. Artin nâm zimmî meclis-i şer‘-i hatîrde Agob v. Mıgırdıç nâm zimmî muvâcehesinde bundan akdem Çatalfırın’ı ustası gāib ani’l-meclis Haçik zimmîye teslîm etmek içün merkūm Agob zimmî yedine teslîm eylediğim yüz otuz guruşun seksen guruşunu Çatalfırın ustasına teslîm edip bâkī elli guruş hakkım zimmetinde kalmağla taleb ederim deyü da‘vâ ve merkūm Agob zimmî cevâbında meblağ-ı merkūmdan ancak seksen guruş kabzını ikrâr, mâ‘adâ elli guruşu inkâr etmeğin müdde‘î-i merkūm ber-vech-i muharrer müdde‘âsını beyâna kādir olamayıp talebiyle merkūm Agob zimmî gıbbe’t-tahlîfi’ş-şer‘î mûcebiyle müdde‘î-i merkūm husûs-ı mezkûrda merkūm Agob zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 min-Za sene 1205