Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 499 Hüküm no: 751 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Değirmenci Vartan’ın annesinin borcunu ödemek üzere Karabet’e verdiği parayı geri almasının mümkün olmadığı Ma‘rûz; Vilâyet-i Anadolu’da Erzincan kazâsı ahâlisinden olup medîne-i Üsküdar’da Yeniçeşme kurbünde mütemekkin Değirmenci Vartan v. Toros nâm zimmî meclis-i şer‘-i hatîrde Karabet v. Nikagos nâm zimmî muvâcehesinde merkūm Karabet zimmî târih-i i‘lâmdan sekiz sene mukaddem kazâ-i mezbûre mütemekkinlerinden zevcesi Atar? Nasrâniye’nin anam Elmas Nasrâniye zimmetinde cihet-i karzdan yirmi beş guruş alacak hakkı vardır deyü anam mersûmenin ismiyle bir kıt‘a temessük getirip ben dahi merkūm Karabet zimmîyi tasdîk edip anamın deyni içün kendiye yirmi beş guruşu teslîm etmiş iken hâlâ nâdim olmamla medfû‘um olan yirmi beş guruşu istirdâd ederim deyü eylediği da‘vâsı mesmû‘a olmadığı huzûr-ı âlîlerine irsâl olundu. Fî 21 min-Za sene 1205