Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 500 Hüküm no: 752 Orijinal metin no: [62a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola v. Apostol’un Abdullah b. İsmail’e olan borcunu ödemesi Ma‘rûz; Medîne-i Üsküdar’da [Üsküdar’a] tâbi‘ Kādı karyesinde sâkin Abdullah b. İsmail mahfil-i bâbda meclis-i şer‘-i hatîrde Kahveci Nikola v. Apostol nâm zimmî muvâcehesinde merkūm Nikola zimmî târih-i i‘lâmdan beş sene mukaddem bâ-temessük yedimden iktirâz ve kabz ve umûruna sarfla istihlâk eylediği yüz guruş zimmetinde hakkım olmağla taleb ederim deyü da‘vâ ol dahi cevâbında cihet-i mezkûreden zimmetinde ol-mikdâr deyni olduğunu ikrâr lâkin deyn-i meblağ-ı merkūma mahsûben müdde‘î-i mezbûra bilâ-devr ribh olmak üzere elli dört guruş teslîm etmiş idim deyü ba‘de’d-def‘ ve’l-ikrâr mûcebiyle Nikola zimmî mukırr u mu‘terif olduğu meblağ-ı bâkī-i merkūm kırk altı guruşun edâsıyla şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 27 min-Za sene 1205