Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 503 Hüküm no: 759 Orijinal metin no: [62b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cemile Hanım’ın Ayşe Hanım’a olan borcunu ödemesi Ma‘rûz; Medîne-i Üsküdar’da Aşcıbaşı mahallesinde sâkine mu‘arrefetü’z-zât Âişe bt. İsa nâm hatun medîne-i mezbûrede mahfil-i bâbda meclis-i şer‘-i hatîrde kezâlik mu‘arrefetü’z-zât Cemile bt. Abdullah nâm hatun mahzarında mezbûre Cemile Hatun târih-i i‘lâmdan on üç ay mukaddem yedimden iştirâ ve kabz eylediği üç çevre ve bir uçkur ve bir havlu ve bir penbe zâr gömlek ve bir don semenlerinden cem‘an otuz sekiz buçuk guruş zimmetinde hakkım olmağla taleb ederim deyü eylediği da‘vâsından bâ-tavassut-ı muslihîn yirmi guruş bedel-i makbûza mezbûre Cemile ile sulh olup ziyâde müdde‘âsına ve husûs-ı mezkûra müte‘allika âmme-i de‘âvîden mezbûre Cemile Hatun’un zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 23 min-Za sene 1205