Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 511 Hüküm no: 775 Orijinal metin no: [63b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe’nin Mehmed Beşe’den alacaklı olduğu yolundaki iddiasını ispatlayamadığı Ma‘rûz; Tüccâr tâifesinden Hasan Beşe b. Ali medîne-i Üsküdar’da meclis-i şer‘-i hatîrde Mehmed Beşe b. Ali mahzarında mezbûr Mehmed Beşe târih-i i‘lâmdan bir buçuk sene mukaddem beher vakıyyesi yirmi ikişer paraya olmak üzere yedimden iştirâ ve kabz eylediği dokuz yüz kırk vakıyye don yağı semeninden cem‘an beş yüz on yedi guruş hakkımın dört yüz altmış altı guruşunu yedinden tamamen ahz ü kabz, elli beş guruşunu [guruşu] zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz birle bi’t-taleb mezbûr Mehmed gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Mehmed Beşe’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 29 min-Şevvâl sene 1205