Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 511 Hüküm no: 776 Orijinal metin no: [63b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Yani’nin kardeşi İlya’ya olan borcunu ödediği Ma‘rûz; Medîne-i Üsküdar’a tâbi‘ Çenger karyesinde mütemekkin İlya v. Yani nâm zimmî medîne-i mezbûrede mahfil-i bâbda meclis-i şer‘-i hatîrde karındaşı Yorgi veledi’l-merkūm Yani nâm zimmî muvâcehesinde merkūm Yorgi zimmî târih-i i‘lâmdan dört sene mukaddem yedimden bi-tarîki’l-karz istidâne ve kabz eylediği işbu yedimde olan bir kıt‘a Rûmî temessüğü nâtık olduğu üzere altmış guruş zimmetinde hakkım olmağla taleb ederim deyü da‘vâ, ol dahi cevâbında karındaşı müdde‘î-i merkūm İlya zimmînin müdde‘âsı olan meblağ-ı merkūm altmış guruşun on guruşu bilâ-devr-i murâbaha olup ve bâkī elli guruşunu dahi târih-i mezkûrdan bir sene mürûrunda karındaşım müdde‘î-i merkūma Beylerbeyi karyesinde francalacı fırınında edâ ve teslîm etmemle zimmetim berî olmuş idi deyü def‘ eylediğinde müdde‘î-i merkūm meblağ-ı merkūm on guruşun bilâ-devr-i murâbaha olduğunu ikrâr ve meblağ-ı bâkī-i merkūm elli guruşu kabzını mu‘terif etmeğin [olmağın] dâfi‘-i merkūm Yorgi zimmî ber-vech-i muharrer eylediği def‘ini adâletleri lede’t-tezkiye zâhir olan Yani v. Yorgi ve Dimitri v. Anderya nâm zimmîler şehâdetleriyle ber-nehc-i şer‘î muvâcehesinde isbât etmeğin mûcebiyle müdde‘î-i merkūm İlya zimmî meblağ-ı merkūm altmış guruş mutâlebesiyle karındaşı merkūm Yorgi zimmîye bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 29 min-Za sene 1205