Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 512 Hüküm no: 778 Orijinal metin no: [63b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Taşcı Seyyid Ali’yi döven Molla Hasan’a tazir cezası verilmesi Ma‘rûz; Medîne-i Üsküdar’da Aşcıbaşı mahallesinde sâkin Taşcı es-Seyyid Ali b. İsmail medîne-i mezbûrede mahfil-i bâbda meclis-i şer‘-i hatîrde Molla Hasan b. Salih mahzarında mezbûr Molla Hasan târih-i i‘lâm günü ba‘de’l-asr mahalle-i mezbûrede kahve dükkânı önünde bana bi’l-muvâcehe bi-gayrı hakkın mûcib-i ta‘zîr olur elfâz-ı kabîha ile şetm ve hetk-i ırz eylediğinden mâ‘adâ duhân çubuğu ile dahi arkama darb etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr Molla Hasan’a yemîn teklif olundukda yemînden nükûl etmeğin mûcebiyle mezbûr Molla Hasan’a şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 13 min-Z sene 1205