Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 514 Hüküm no: 783 Orijinal metin no: [64a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abbas b. Ali’nin kayınvalidesinden rüşvet olarak aldığı parayı iade etmesi Ma‘rûz; Medîne-i Üsküdar’da Kefçe mahallesinde sâkine mu‘arrefetü’z-zât Fatıma bt. Mehmed Efendi medîne-i mezbûrede mahfil-i bâbda meclis-i şer‘-i hatîrde Abbas b. Ali mahzarında târih-i i‘lâmdan bir ay mukaddem gāib ani’l-meclis dâmâdım ile beynimizde olan münâza‘amızda şehâdet etmek içün bi-tarîki’r-rüşve babam mezbûr Mehmed Efendi yediyle kendiye on dokuz guruş def‘ ü teslîm etmemle hâlâ istirdâd ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on dokuz guruşu müdde‘iye-i mezbûreye teslîme mezbûr Abbas’a tenbîh olunduğu bi’l-iltimâs huzûr-ı âlîlerine i‘lâm olundu. Fî 4 min-Zilhicce sene 1205