Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 435 Hüküm no: 457 Orijinal metin no: [104b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola’nın Rali üzerine açtığı davanın zaman aşımından dolayı reddedildiği Ma‘rûz. Sâhib-i arzuhâl Nikola zimmî Bâb Mahkemesi’nde hasmı Rali nâm hâlikin oğlu diğer Rali zimmî ile terâfu‘larında kırk sene mukaddem Göllükesriye’de hâlik olan Metrepolid David v. Yuvan v. Nikola’nın li-ebeveyn karındaşı oğlu ve hasren vârisi olmak üzere hâlik-i mezbûrun terekesinden ber-mûceb-i temessük beş yüz guruş da‘vâ edip lâkin mezbûr Nikola hâlik-i mezbûrun ber-vech-i muharrer vârisi idiği lede’ş-şer‘i’l-enver zâhir ve müte‘ayyin olmadığından mâ‘adâ ber-mûceb-i fetvâ-yı şerîfe on beş sene bilâ-özr terk olunan da‘vânın istimâ‘ı bilâ-emr-i sultânî memnû‘ olup henüz hasm-ı şer‘î olmamağla ber-vech-i muharrer merkūm Rali’ye suâl tevcîh etmemeğin merkūm Nikola bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 26 Safer sene [1]143.