Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 515 Hüküm no: 785 Orijinal metin no: [64a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zafiri v. Yani ile Mıgırdıç v. Agob’un alacak verecek davasında sulh oldukları Ma‘rûz; Mudanya kazâsı mütemekkinlerinden Zafiri v. Yani nâm zimmî meclis-i şer‘-i hatîrde Mıgırdıç v. Agob nâm zimmî muvâcehesinde merkūm Mıgırdıç zimmetinde vezn ve fiyâtı beynimizde ma‘lûm ham sirke semeninden iki yüz beş guruş ve arak semeninden kırk guruş ve şerîki gāib ani’l-beled İstefan zimmetinde hakkım olan kırk guruş ki cem‘an iki yüz seksen beş guruş hakkımdan bâkī yüz on yedi guruş hakkımı hâlâ taleb ederim deyü eylediği da‘vâsından kırk guruş bedel-i makbûza merkūm Mıgırdıç zimmî ile sulh olup ziyâde müdde‘âsını ve bi’l-cümle husûs-ı mezkûra müte‘allika âmme-i de‘âvîden merkūm Mıgırdıç zimmînin zimmetini ibrâ ve ıskāt ol dahi ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 24 min-Za sene 1205