Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 515 Hüküm no: 786 Orijinal metin no: [64a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Beşe b. Mustafa ile kardeşi Ahmed’in aralarındaki borç davasında sulh oldukları Ma‘rûz; Vilâyet-i Rumeli’nde Istarova kazâsı ahâlisinden olup medîne-i Üsküdar’da Hasanağa mahallesinde sâkin Ali b. Hasan nâm kimesne meclis-i şer‘-i hatîrde İsmail Beşe b. Mustafa mahzarında mezbûr İsmail târih-i i‘lâmdan on üç sene mukaddem sâlifü’z-zikr Istarova kazâsında sâkin karındaşım Ahmed yedine îdâ‘ ve teslîm eylediğim altmış guruş kıymetli bir tek öküzümü ahz ve istihlâk etmekle kıymeti olan meblağ-ı merkūm altmış guruşu taleb ederim deyü eylediği da‘vâsından mezbûr İsmail Beşe ile yirmi guruş bedel-i makbûza ba‘de’s-sulh ve’l-kabûl ziyâde müdde‘âsına ve husûs-ı mezkûra müte‘allika âmme-i de‘âvîden mezbûr İsmail’in zimmetini ibrâ, ol dahi kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 24 min-Za sene 1205