Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 519 Hüküm no: 792 Orijinal metin no: [64b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tüccar Mehmed Beşe’nin Hasan Ağa’dan iddia ettiği alacak davasını ispatlayamadığı Ma‘rûz; Tüccâr tâifesinden Mehmed Beşe b. Ali medîne-i Üsküdar’da meclis-i şer‘-i hatîrde Hasan Ağa b. Cafer mahzarında mezbûr Hasan Ağa târih-i i‘lâmdan bir buçuk sene mukaddem beher kıyyesi yirmi dörder para olmak üzere yedimden iştirâ ve kabz [eylediği] sekiz yüz yirmi iki vakıyye don yağı semeninden cem‘an beş yüz elli beş guruş hakkımın dört yüz doksan beş guruşunu yedinden ahz ü kabz, altmış guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz birle bi’t-taleb mezbûr Hasan Ağa gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Hasan Ağa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 29 min-Şevvâl sene 1205