Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 528 Hüküm no: 809 Orijinal metin no: [66a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Mehmed’in İbrahim Beşe’ye olan borcunu ödemesi Ma‘rûz; Vilâyet-i Anadolu’da Tosya kazâsı ahâlisinden olup askerî tâifesinden İbrahim Beşe b. Mustafa medîne-i Üsküdar’da mahfil-i bâbda meclis-i şer‘-i hatîrde Hammâl Mehmed b. Ömer mahzarında mezbûr Hammâl Mehmed’de târih-i i‘lâmdan on dört ay mukaddem cihet-i karz-ı şer‘îden bâ-temessük altmış guruş alacağım olmağla taleb ederim deyü da‘vâ ve mezbûr Hammâl Mehmed cevâbında müdde‘î-i mezbûra cihet-i mezkûreden ancak otuz guruş deyni olduğunu ikrâr ziyâde otuz guruş müdde‘âsını inkâr etmekle müdde‘î-i mezbûr ber-vech-i muharrer ziyâde müdde‘âsını beyâna ba‘de’l-havâle mukırr u mu‘terif olduğu otuz guruşun edâsıyla mezbûr Hammâl Mehmed ilzâm olunduğu bi’l-iltimâs huzûr-ı âlîlerine i‘lâm olundu. Fî 27 min-Z sene 1205