Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 529 Hüküm no: 811 Orijinal metin no: [66a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Şahin’in Hüseyin b. Ali’den satın aldığı eşeğin özürlü çıkması üzerine verdiği parayı geri alması Ma‘rûz; Medîne-i Üsküdar’da Selami mahallesinde sâkin el-Hâc Mustafa b. Şahin mahfil-i bâbda meclis-i şer‘-i hatîrde Hüseyin b. Ali mahzarında târih-i i‘lâmdan bir gün mukaddem mezbûr Hüseyin yedinden yirmi iki guruş semen tesmiyesiyle bir re’s himârını hıyar-ı şartla ba‘de’l-iştirâ ve’l-kabz meblağ-ı mezkûr, himârın şer‘an noksân-ı semen îcâb eder ayb-ı kadîmi olmağla yevm-i mezkûrda himâr-ı mezkûru kendiye redd ü teslîm etmemle semeni olan meblağ-ı merkūmdan kendiye medfû‘um olan on yedi buçuk guruşu taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on yedi buçuk guruşu müdde‘î-i mezbûr el-Hâc Mustafa’ya redd ü teslîmiyle mezbûr Hüseyin şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 13 min-Ş sene 1205